ललितपुर । बाग्मती गाउँपालिका २ माल्टामा सञ्चालन गर्ने भनिएको सिमेन्ट उद्योग तत्काल सञ्चालन गर्नका लागि ललितपुर क्षेत्र नं १ का सांसद नवराज सिलवालले माग गरेका छन् । शुक्रबार प्रतिनिधिसभामा बोल्दै सिलवालले ५० वर्षसम्म पुग्ने सिमेन्ट उत्पादनका आवश्यक कच्चा पदार्थ माल्टामा रहेकोले उक्त उद्योग तत्काल सञ्चालन गर्नुपर्ने आवश्यकता औँल्याएका छन् ।
विगत १० वर्षदेखी नै सरकारले उक्त स्थानमा पुग्नका लागि सडक, विद्युत पुर्याएको र सोही समयमा नीजी क्षेत्रले त्यहाँका जनताको जग्गा सस्तोमा लिएर उद्योग र रोजगार दिन भन्दै जनताको जग्गा कब्जा गरेर एक दशक बितिसक्दा पनि उद्योग सञ्चालनमा आउन नसकेको भन्दै नेपाल सरकार र उद्योग मन्त्रालयले आफैँ जिम्मेवारी लिएर सञ्चालन गर्नका लागि सांसद सिलवालको माग छ ।
