ललितपुर । जिल्ला निर्वाचन कार्यालय ललितपुरले मतदाता नामावली अद्यावधिकसहितका विषयमा मंगलबार सरोकारवाला निकायसँग छलफल गरेको छ ।
छलफलमा जिल्ला निर्वाचन कार्यालय ललितपुरकी प्रमुख गोमा धमलाले निर्वाचन आयोगले दिएको कार्यतालिका प्रस्तुत गरिन् ।
उनले भनिन्, ‘२०७९ साल बैशाख ३० गते सम्पन्न स्थानीय तह निर्वाचनमा ललितपुरमा १ लाख १८ हजार ९ सय ३३ जना पुरुष मतदाता तथा १ लाख २४ हजार ९ सय ५० महिलासहित अन्य १ जना मतदाता रहेका थिए ।’
उनले २०७९ असार ३० देखि साउन १९ सम्म मतदाता नामवली संकलन गर्दा ३ हजार ६ सय ३९ पुरुष र ३ हजार ५ सय ८६ महिला मतदाता थप भएको जानकारी दिइन् ।
- जिल्ला प्रशासन कार्यलयका प्रमुख (प्रजिअ) घनश्याम उपाध्यले सञ्चार जगत एवम् पत्रकारलाई निर्वाचनको दिन समाचार संकलनको सहज वातावरण बनाउने विषयमा आयोगको निदेशन अनुसार नेपाल पत्रकार महासंघसँग छलफल गरी अघि बढ्ने बताए ।
