ललितपुर । राष्ट्रपति विद्यादेवी भण्डारीले ठेचोको नवदुर्गा भवानी देवीको प्रसाद ग्रहण गर्नुभएको छ । ठेचोमा हाल सञ्चालन भइरहेको बाह् वर्षे जात्रा अन्तर्गत सो भवानी देवी मन्दिरमा एक महिना ताल्चा लगाउने परम्परा अनुसार हिजो खोलीएर विभिन्न पाठपूजा आदि गरेसँगै आज सो गुठीमा सम्बन्धीत व्यक्तिले उहाँको निवासमा फूल तथा प्रसाद पु¥याउन गएपछि प्रसाद ग्रहण गर्नुभएको हो ।
राष्ट्रपति निवास २ बजे तिर पुगेर फूल तथा सुपारी एवं चलन अनुसारका सामग्री राष्ट्रपतिलाई दिएर फर्किएका सो गुठीका अध्यक्ष धर्मराज मालीले बताए । गत साउन १० गते गठेमङ्गल अर्थात गठामूग चे¥हेका दिन देखि ठेचोमा नवदुर्गा भवानी देवीको बाह् वर्षे जात्रा सञ्चालन भइरहेको छ ।
सो जात्रामा एक महिनासम्म नवदुर्गा भवानी देवीलाई ताल्चा लगाएर राखिने परम्परासँगै हिजो ‘यँ पञ्चदान’ का दिन उक्त ढोका खोलिएको थियो । सो जात्रा सञ्चालन भएदेखिनै राष्ट्रप्रमुखलाई उक्त प्रसाद पु¥याउन जाने चलन रहेको गुठीका पुजारी गोपाल मालीले बताए ।
नवदुर्गाको प्रसाद लिएर आफूसँगै पुजारी गोपाल माली तथा गुठीका नाइके भक्तलाल माली, अर्का नाइके जितेन्द्र माली र नाइके पाँचभाइ माली सँगै रमेश माली र सो भवानी देवी संरक्षण समितिका अध्यक्ष प्रशान्त माली राष्ट्रपति निवास जानुभएको गुठीका अध्यक्ष मालीले बताए ।
