फाइल तस्वीर
काठमाडौँ । सिराहा प्रहरीले २७ केजी लागूऔषध गाँजासहित एक थान मोटरसाइकल बरामद गरेको छ । प्रहरीले सुखिपुर नगरपालिका ८ बाट वितेराती ३ वटा बोरामा रहेको २७ केजी गाँजा र मोटरसाइकल बरामद गरेको हो ।
गस्तीमा रहेको प्रहरीलाई देखेर मोटरसाइकल र गाँजा छोडी भागेको हुन सक्ने जिल्ला प्रहरी कार्यालय सिराहाले जानकारी दिए ।
प्रहरीले नियन्त्रणमा लिएको मोटरसाइकलको आधारमा घटना अनुसन्धान गरिरहेको जनाएको छ । मोटरसाइकल नम्बर भने प्रहरीले खुलाउन चाहेनन् ।
