दिगो दृष्टि समाचारदाता
ललितपुर ०८० असोज २७ गते शनिबार
विकासशिल बचत तथा ऋण सहकारी संस्था लिमिटेडको १२ औं वार्षिक साधारणसभा २०८० असोज २७ गते शनिबार सम्पन्न भएको छ ।
ललितपुरको महालक्ष्मी नगरपालिका वडा नं. ९, ज्यागटास्थित संस्थाको कार्यालयमा सम्पन्न सभा वडा अध्यक्ष जयकृष्ण बोगटीको प्रमुख आतिथ्यतामा भएको थियो । सभामा प्रमुख अतिथि बोगटीले स्थानीयवासीको आवश्यकता र सहकार्यको भावनाअनुसार सञ्चालित विकासशिल सहकारीले सहकारी मूल्य, मान्यता र कानूनअनुसार काम गरेको पाएकोमा खुशी व्यक्त गर्नुभयो ।
संस्थाका अध्यक्ष दुर्गा के.सी.को सभाध्यक्षमा सम्पन्न सभामा २०६८ साल मङ्सिर ९ गते तत्कालीन डिभिजन सहकारी कार्यालयमा दर्ता भइ सञ्चालित संस्थाको सेयर पूँजी १८ लाख तीन हजार सात सय रहेको जानकारी दिइएको थियो ।
साधारणसभामा सञ्चालक समितिको तर्फबाट अध्यक्ष के.सी.ले वार्षिक प्रतिवेदन प्रस्तुत गर्नु भएको थियो । प्रतिवेदन प्रस्तुत गर्दै अध्यक्ष के.सी.ले आर्थिक वर्ष २०७९÷८० मा सेयर सदस्य २ सय ७३ जना, बाल बचतकर्ता ८१ जना रहेको स्मरण गर्दै बचत १ करोड ९ लाख ९३ हजार ६ सय ७ रुपैयाँ रहेको बताउनु भयो ।
साधारणसभामा संस्थाको १ करोड ४५ लाख २४ हजार ८ सय २६ रुपैयाँको वासलात प्रस्तुत गर्नुका साथै २१ जना ज्येष्ठ सदस्यहरुलाई सम्मान गरिएको थियो ।
