दिगोे दृष्टि समाचारदाता
ललितपुर २०८० कात्तिक २२ गते बुधबार
दिलबहादुर स्मृति प्रतिष्ठानद्वारा प्रकाशित पुस्तक ‘सङ्कल्प र सङ्घर्ष–अनवरत पाइलाहरू’को लोकार्पण भएको छ । प्रतिष्ठानका अध्यक्ष दिपेन्द्र श्रेष्ठको जीवनीमा केन्द्रित पुस्तकको २०८० कात्तिक २२ गते बुधबार नेकपा (माओवादी केन्द्र)का उपाध्यक्ष पम्फा भुसालले लोकार्पण गर्नु भएको हो ।
गोदावरी नगरपालिका–१४, ठैबस्थित पूmलचोकी माविको सभाहलमा आयोजित समारोहमा पूर्व मन्त्री भुसालले सूचना प्रविधिको दुरुपयोगलाई सरकारले नियमन र नियन्त्रण गरेर समाजलाई दूषित हुनबाट जोगाउनु पर्ने बताउनु भयो । पछिल्लो समय प्रविधिमार्फत प्रवाह गरिने भ्रामक र मिथ्या हुने सन्देशले समाज दूषित बनाइरहेको भुसालको भनाइ थियो ।
कार्यक्रममा नेकपा (माओवादी केन्द्र)का उपाध्यक्ष भुसालले भन्नुभयो, “जनताको सुसूचित हुने अधिकारमा आँच नआउने गरी प्रविधिको दुरुपयोग रोक्नुपर्छ, भ्रामक र मिथ्या सन्देश प्रवाह हुन दिनु हुँदैन ।” सामाजिक सञ्जालमार्फत भइरहेका अनर्गल प्रचारले समाज विकास र राजनीतिक व्यवस्था सुदृढ नहुने उल्लेख गर्दै सामाजिक सञ्जालका माध्यमबाट हुने गरेको अराजक अवस्थालाई नियन्त्रण गर्न ठुला तीनवटा राजनीतिक दल एकमत भएको जानकारी दिनुभयो ।
लामो राजनीतिक सङ्घर्षबाट प्राप्त उपलब्धिलाई अवमूल्यन गरिएकोप्रति असन्तुष्टि व्यक्त गर्दै पूर्वमन्त्री भुसालले “पटक–पटकको सङ्घर्ष र दशौँ हजारले जीवन समर्पण गरेर ल्याएको व्यवस्थालाई समृद्ध तुल्याउने हो, अझ सुदृढ बनाउने हो, पछाडि फर्कने होइन ।” उहाँले महत्वपूर्ण पुस्तक बजारमा आउँदा सही इतिहास जनतासमक्ष पुग्ने विश्वास व्यक्त गर्नुभयो ।
गोदावरी नगरपालिकाका प्रमुख एवं नेपाली कांग्रेसका नेता गजेन्द्र महर्जनले पछिल्लो समय जनतासँग जोडिएका र लोकतान्त्रिक गणतन्त्र स्थापनार्थ योगदान गरेका पार्टी गलत र जनताभन्दा टाढा रहेका पार्टी राम्रो भन्ने भ्रम फैलिँदा अप्ठ्यारो अवस्था सिर्जना भएको बताउनुभयो । उहाँले अफवाहरूलाई नियन्त्रण गर्नका लागि परिवर्तनका लागि योगदान गर्ने राजनीतिक दलहरु एकताबद्ध हुनुपर्नेमा जोड दिनुभयो । उहाँले गोदावरी नगरपालिकाको ठैबमा जनजिविकाका लागि लामो समयदेखि संर्घर्षशील र एनेकपा माओवादीमा सक्रिय दिपेन्द्र श्रेष्ठलगायतका नेताहरुलाई माथिल्लो जिम्मेवारी दिन समेत माओवादी उपाध्यक्ष पम्फा भुसाललाई सुझाव दिनुभयो ।
कार्यक्रमका वक्ताहरूले प्रतिष्ठानले प्रकाशन गरेको पुस्तक समाजसेवी दीपेन्द्र श्रेष्ठको योगदानमा आधारित रहेको उल्लेख गर्दै राजनीतिक एवम् सामाजिक रुपान्तरणमा उहाँले पु¥याउनु भएको योगदानको चर्चा गर्नुभएको थियो ।
पुस्तकमा दीपेन्द्रले राजनीतिक परिवर्तनमा पु¥याउनु भएको योगदानको चर्चा गरिनुका साथै उहाँले भोगेका र उहाँप्रति विभिन्न राजनीतिक दल एवम् सामाजिक व्यक्तिको दृष्टिकोण समेटिएको पुस्तकका समिक्षक शिक्षक, लेखक एवम् सञ्चारर्की नवराज सञ्जेलले बताउनु भयो ।
कार्यक्रमका सभाध्यक्ष दिपेन्द्र श्रेष्ठले जीवन सञ्चालनसँगै लेखनलाई निरन्तरता दिँदा पुस्तक प्रकाशित गरिएको स्मरण गर्दै यस पटक संकलन भइ प्रकाशित गर्न छुटेका सामाग्रीहरु समेटेर अर्को पुस्तक प्रकाशित गर्ने वचन दिनु भयो । कार्यक्रममा राजनीति तथा सामाजिक क्षेत्रमा सक्रिय व्यक्तिहरुले आपूm जिवित हुँदै आपूmले गरेको काम र योगदानलाई अभिलेखीकरण गरी सत्यतालाई इतिहासका रुपमा नयाँ पुस्ता समक्ष ल्याउनु पर्ने खाँचो औँल्याइएको थियो ।
